|
|
Context
Song Context:
తీయ తీయనైన పాట పాడనీయి, బాధ పోని రానీ హాయి
చలువ కురిపించనీ ఇలా ఇలా ఈ నా పాటని!
|
|
Song Lyrics
పల్లవి:
హాయి హాయి హాయి వెన్నెలమ్మ హాయి హాయి హాయి హాయి హాయి
తీయ తీయనైన పాట పాడనీయి బాధ పోని రానీ హాయి
చురుకుమనే మంటకు మందును పూయమనీ
చిటికెలలో కలతను మాయము చేయమనీ
చలువ కురిపించనీ ఇలా ఇలా ఈ నా పాటని
||హాయి||
.
చరణం:
కనులు తుడిచేలా ఊరడించే ఊసులాడే భాషే రాదులే
కుదురు కలిగేలా సేవజేసి సేదతీర్చే ఆశే నాదిలే
వెంటనే నీ మది పొందనీ నెమ్మది అని తలచే ఎదసడిని
పదమై పలికి మంత్రం వేయనీ
||హాయి||
.
చరణం:
మొరటుతనమున్నా పూవులాంటి నిన్నుగాచే ముళ్ళై నిలవనా
మన్నులో ఉన్నా చిగురువేసే నీకు నేనే వేరై ఒదగనా
నువ్విలా కిలకిలా నవ్వితే దివ్వెలా కడవరకు ఆ వెలుగు
నిలిపే చమురై నేనే ఉండనా
||హాయి||
.
.
(Contributed by Prabha) |
|
Highlights
వెంటనే నీ మది పొందనీ నెమ్మది,
అని తలచే ఎదసడిని పదమై పలికి మంత్రం వేయనీ
.
నువ్విలా కిలకిలా నవ్వితే,
దివ్వెలా కడవరకు ఆ వెలుగు నిలిపే చమురై నేనే ఉండనా
……………………………………………………………………………………………….. |
|
No Comments »