|
Context
Song Context:
ఆహ్వానం మా ఇంటికి: రండి రండి రండి రండి దయచేయండి
తమరి రాక మాకెంతో సంతోషం సుమండి |
Song Lyrics
పల్లవి:
అతడు1:
రండి రండి రండి రండి దయచేయండి
తమరి రాక మాకెంతో సంతోషం సుమండి || రండి ||
ఆమె1:
నే చెప్పాగా నాన్నగారి తీరు
ఇష్టులైన వాళ్ళొస్తే పట్టలేని ఉషారు
పలకరిపుతోటే మనసుమీటగలరు
ఉల్లాసానికి మా ఈ ఇల్లు రాచనగరు
.
అతడు1:
తమరేనా సూర్య ఇలా కూర్చోండయ్యా
ఆగండి ఆగండి ఆగండి వద్దు కూర్చోకండి అక్కడ
తగిన చోటుకాదిది తమబోటి వారికి ఇక్కడ
ఆమె1:
ఈ గదిలో నాన్నగారు వాయిదాల వరాలయ్యా
గడపదాటి ఇటువస్తే వారి పేరు స్వరాలయ్య
అతడు1:
క్లయింట్లు కంప్లైంట్లు క్లయింట్లు కంప్లైంట్లు మసలే ఈ గది బారు
తక్కిన నా గృహమంతా గాన కళకు దర్బారు
అతడు1:
రండి రండి రండి రండి దయచేయండి
ఆమె1:
తమరి రాక మాకెంతో సంతోషంసుమండి
.
అతడు1:
బరువు మొయ్యలేనప్పుడు కిర్రు కర్రుమంటు || 2 ||
చిర్రుబుర్రులాడటం కుర్చీలకు ఆచారం
ఆత్మీయులు వచ్చినప్పుడు ఆ చప్పుడు అపచారం
వచ్చిన మిత్రులకోసం ముచ్చటగా వుంటుందని
సంగీతం పలికించే స్ట్రింగులతో చేయించా
కచేరిలు చేసే కుర్చియిది ఎలావుంది
అతడు2:
బావుందండి
అతడు1:
గానకళ ఇలవేల్పుగా వున్న మాఇంట
శునకమైన పలుకు కనకాంగి రాగాన
ఇచ్చట పుట్టిన చిగురు కొమ్మైన చేవ
గాలైన కదలాడు సరిగమల త్రోవ
.
రావోయి రా, ఇదిగో ఈయనే సూర్య ఈమె నా భార్య
ఈ యింటికి ఎదురులేని ఏలిక నా మిస్సెస్సు
ఆర్గుమెంటు వినకుండా తీర్పిచ్చే జస్టిస్సు
ఆమె2:
చాలులెండి సరసం యేళ్ళు ముదురుతున్న కొద్ది
అతడు1:
తిడితే తిట్టేవు కాని తాళంలో తిట్టు
తకతొం తకిటతొం తరికిటతొం తకతకిటతొం
స్వరాలయ్య సంప్రదాయ కీర్తి నిలబెట్టు
ఆమె2:
పెడతా పొపెడతా పొగపెడతా ఉడకపెడతా
కొత్తవాళ్ళ ముందేంటీ వేళాకోళం - ఎవరేమనుకుంటారో తెలియని మేళం
ఆమె1:
ఎవరో పరాయి వారు కాదమ్మా ఈయన
సూర్యం గారని చెప్పానే ఆయనే ఈయన
ఆమె2:
రండి రండి రండి రండి దయచేయండి
అందరు:
తరమరి రాక మాకెంతో సంతోషంసుమండి
అతడు1:
వృద్ధాప్యంతో మంచంబట్టి తాళంతప్పక దగ్గడమన్నది
అంచెలంచెలుగా సాధించిన మా తండ్రి పెంచలయ్య
ఖళ్ళు ఖళ్ళున వచ్చె చప్పుడు - ఘల్లు ఘల్లున మార్చే విద్య
కాలక్షేపం వారికి పాపం ఆ నాలుగు గోడలమధ్య
ఆమె1:
ఇదిగో మా పనమ్మాయి దీని పేరు పల్లవి
అతడు1:
దీని కూని రాగంతో మాకు రోజు ప్రారంభం
మా ఇంట్లో సందడికి ఈపిల్లే మరి పల్లవి
ఆమె3:
రండి రండి రండి రండి దయచేయండి
తమరి రాక మాకెంతో సంతోషంసుమండీ
అతడు3:
పోస్ట్ పోస్ట్ పోస్ట్ పోస్ట్
వావిలాల వరాలయ్య బి.ఎ.ఎల్.ఎల్.బి. పోస్ట్ పోస్ట్ పోస్ట్ పోస్ట్
అతడు1:
మా ఇంటికి ముందున్నవి కావు రాతిమెట్లు
అడుగుపెట్టగానే పలుకు హార్మోనియం మెట్లు
రండి రండి రండి రండి రండి రండి రండి రండి
ఆమె1:
మాకు నిలయ విద్వాంసులు చిలకరాజుగారు
కీరవాణి వీరిపేరు పలుకు తేనెలూరు
అతడు1:
నవ్వు మువ్వకట్టి ప్రతినిముషాన్నీ తుళ్ళిస్తూ
సంబరాల సీమలోకి ప్రతి అడుగు మళ్ళిస్తూ
ఇదే మాదిరి సుధామాధురి పంచడమే పరమార్ధం - అదే అదే నా సిధ్ధాంతం
అతడు2:
గానమంటే ఒక కళగానే తెలుసు ఇన్నాళ్ళు నాకు
బ్రతుకు పాటగా మార్చినందుకు జోహారు ఇదిగో మీకు
“సంగీతంలో పాడతారనే అనుకున్నా ఇన్నాళ్ళు… సంగీతంలో మాటలాడటం……
మాటలనే సంగతులు చెయ్యడం - సంగతులే సద్గతులు అనుకొనడం
సరిగా తెలుసుకున్నాను ఈనాడు
సెలవిప్పిస్తే వెళ్ళొస్తా - మళ్ళీ మళ్ళీ వస్తూవుంటా
.
.
(Contributed by Pradeep) |
Highlights
[Also refer to pages 41-42 in సిరివెన్నెల తరంగాలు]
……………………………………………………………………………………………. |
|
1 Comment »