Movie Name
Kotha Bangaru Lokam Singers Swetha Pandit Music Director
Mickey J. Meyer Year Released 2008 Actors
Varun Sandesh,
Swetha Prasad Director Sreekanth Addala Producer Dil Raju
Context
Song Context: నేను నీ నీడని నువ్వు నా నిజమనీ ఒప్పుకోగలరా ఎపుడైనా!
Song Lyrics
||ప|| |ఆమె|
నేననీ నీవనీ వేరుగా లేమనీ
చెప్పినా వినరా ఒకరైనా
నేను నీ నీడని నువ్వు నా నిజమనీ
ఒప్పుకోగలరా ఎపుడైనా
రెప్ప వెనకాల స్వప్నం
ఇప్పుడెదురయే సత్యం తెలిస్తే
అడ్డుకోగలదా వేగం
కొత్త బంగారు లోకం పిలిస్తే
.
||చ|| |ఆమె|
మొదటి సారి మదిని చేరి
నిదర లేపిన ఉదయమా
వయసు లోని పసితనాన్ని పలకరించిన ప్రణయమా
మరీ కొత్తగా మరో పుట్టుక
అనేటట్టుగా ఇది నీ మాయేనా || నేననీ నీవనీ ||
.
||చ|| |ఆమె|
పదము నాది పరుగు నీది
రథం వయ్యిరా ప్రియతమా
తగువు నాది తెగువ నీది
గెలుచుకో పురుషోత్తమా
నువ్వే దారిగా నేనే చేరగా
ఎటూ చూడక వెనువెంటే రానా || నేననీ నీవనీ ||
.
.
(Contributed by Nagarjuna)
Highlights
నేననీ నీవనీ వేరుగా లేమనీ, చెప్పినా వినరా ఒకరైనా
నేను నీ నీడని నువ్వు నా నిజమనీ, ఒప్పుకోగలరా ఎపుడైనా
.
రెండు అమాయకపు ప్రేమ పక్షులు ‘నేనూ నీవూ ఒకటే’, ‘మనది ఒకే ప్రాణం’. ‘ఆ ప్రాణాన్ని దేవుడిలా రెండు దేహాల్లో బంధించి భూమిపై పడేశాడు’. అలాంటి రెండు అర్ధ ప్రాణాలమైన మనము, కలిసి ఒకటై ఆనందడోలికలలో ఊగుతుంటే మధ్యలో ఈ పెద్దలేమిటి? వీరి అడ్డులేమిటి? అని అనుకుంటున్నాయి.
.
ఈ నేపధ్యంలో సగటు రచయిత ఓ ప్రేమికురాలి మనోవేదనను ప్రేక్షకుడికి తెలియబరిచే ప్రయత్నం చేస్తాడు. ప్రతి రచయితా ఒక పాత్ర మనసులోకి తొంగిచూసి ఆ భావాలకు పదాలను అల్లాలని ప్రయత్నించడం సహజం. కానీ ఇక్కడ శాస్త్రి గారు ఆ ప్రేమ పక్షుల మనసుల లోకి తొంగిచూడడమేకాదు అక్కడ తిష్ఠ వేసి వారి మనోవేదనను ఓ ప్రేక్షకుడికే కాదు, ఆ ప్రేమికులకే చూపించగలిగాడు అని అనిపిస్తుంది. పై పల్లవిలోని పంక్తులను వింటే, భగ్నప్రేమికుల మనో అంతరాలలోకి ఈ కవి ఎలా వెళ్ళగలిగాడు? వారి తపనను వారికే ఓ దర్పణంలో బంధించి ఎలా చూపగలిగాడు? అనే సందేహం రాక తప్పదు. ప్రేమలోపడి ఎన్నోకష్టాలలో నలిగిన వారివలె ఎలా వ్రాయగలిగారు? ప్రపంచంలో అందరి బాధను వారికంటే ఎక్కువగా అనుభవించినట్లు ఎలా వ్రాయగలరు? సగటు మనిషి అనుభవించే సంతోషాన్నైనా, బాధనైనా తనే అనుభవించినట్లు ఆ అనుభూతులను అందంగా ఈ కవి ఎలా పొందుపరచగలరు అని నాకు అనిపిస్తుంది. Who is this divine messenger? How can he read minds? .
||చ|| |ఆమె|
పదము నాది పరుగు నీది, రథము వయిరా ప్రియతమా
తగువు నాది తెగువ నీది, గెలుచుకో పురుషోత్తమా
నువ్వే దారిగా నేనే చేరగా, ఎటూ చూడక వెనువెంటే రానా || నేననీ నీవనీ ||
.
ఓ నిస్సహాయురాలయిన ప్రేయసి తన ప్రియుణ్ణి ‘నన్ను ఈ పంజరంలోంచి విడిపించుకుని నీ దగ్గరకు చేర్చుకో’ అనే భావాన్ని ఇంతకన్నా ఉత్తమంగా వ్రాయడం అసంభవమని నాకనిపిస్తుంది.
.
. Analysis by Dr. Jayasankar
……………………………………………………………………………………………..
One Response to “కొత్త బంగారు లోకం: నేననీ నీవనీ వేరుగా లేమనీ చెప్పినా వినరా”
Exclusively dedicated to analyze, discuss, exchange views on sirivennela's poetry and the philosophy behind, for and by the poetry loving community of the world
June 11th, 2009 at 2:39 pm
Heart touching lyrics